ဤပုံတွင် ကျောက်စိမ်းနှင့်ကျောက်မျက်ကုမ္ပဏီများမှ အစိုးရဌာနအသီးသီးသို့ပေးသွင်းသော ဝင်ငွေစီးဆင်းမှုများ၊ လမ်းကြောင်းအမျိုးမျိုးနှင့် ဝင်ငွေလမ်းကြောင်းတစ်ခုနှင့်တစ်ခု မည်သို့ပေါင်းစပ်သွားသည်ကို လေ့လာလာနိုင်ပါသည်။ ဤပုံကို ကွန်ပြူတာ သို့မဟုတ် လပ်တော့ပ်ဖြင့် ကြည့်ရှုရန် အသင့်လျော်ဆုံးဖြစ်ပါသည်။
ဤပုံတွင် အသုံးပြုထားသော အချက်အလက်များကို ၂၀၁၃-၁၄၊ ၂၀၁၄-၁၅ ၊ ၂၀၁၅-၁၆ နှင့် ၂၀၁၆-၂၀၁၇ ဘဏ္ဍာရေးနှစ်တို့ကိုလွှမ်းခြုံသော EITI အစီခံစာများ နှင့် အကျဉ်းချုပ်တင်ပြချက်များ (summary sheets) မှ ရရှိပါသည်။ ၂၀၁၃-၁၄ ဘဏ္ဍာရေးနှစ်အတွင်း ကုမ္ပဏီများ၏ ငွေပေးချေမှု (payments) အသေးစိတ် အချက်အလက်များကို ထိုနှစ် EITI အကျဉ်းချုပ်တင်ပြချက် မှ ရရှိပါသည်။ ၂၀၁၄-၁၅၊ ၂၀၁၅-၁၆ နှင့် ၂၀၁၆-၁၇ ဘဏ္ဍာရေးနှစ်တို့အတွင်း ကုမ္ပဏီများ၏ ငွေပေးချေမှု အသေးစိတ်အချက်အလက်များကိုလည်း ထိုနှစ်တစ်နှစ်စီ၏ EITI အစီရင်ခံစာ နောက်ဆက်တွဲ ၁၈ မှ ရရှိပါ သည်။ ၂၀၁၇-၂၀၁၈ ဘဏ္ဍာရေးနှစ်အတွင်း ကုမ္ပဏီများ၏ ငွေပေးချေမှု အသေးစိတ်အချက်အလက်များကို ထိုနှစ် EITI အစီရင်ခံစာ၏ နောက်ဆက်တွဲ ၁၂ မှ ရရှိပါသည်။ EITI စာရင်းတိုက်ဆိုင်ညှိနှိုင်းမှုနယ်ပယ် (reconciliation scope) တွင် မပါဝင်သော ကုမ္ပဏီများ၏ ငွေပေးချေမှု အချက်အလက်များကို ၂၀၁၆-၁၇ ဘဏ္ဍာရေးနှစ်အတွက် အစီရင်ခံစာ၏ အခန်း ၃.၅.၂ မှ ရရှိပြီး အခြားနှစ်များအတွက် နှစ်တစ်နှစ်စီ၏ EITI အစီရင်ခံစာ အခန်း ၆.၂ မှရရှိပါသည်။
သတိပြုရန်မှာ အစီရင်ခံတင်ပြရမည့်ကုမ္ပဏီများကို ရွေးချယ်ရာတွင် အနည်းဆုံး စံကိန်းဂဏန်း ပိုင်းဖြတ်သတ်မှတ်မှု (threshold amount) သည် ၂၀၁၃-၁၄ ဘဏ္ဍာရေးနှစ်တွင် ကျပ်ငွေ ၁၀ ဘီလီယံဖြစ်သော်လည်း ၂၀၁၄-၁၅ခုနှစ် နှင့် ၂၀၁၅-၂၀၁၆ ဘဏ္ဍာရေးနှစ်တို့တွင် ကျပ်ငွေ သန်းပေါင်း ၇၅၀၊ ၂၀၁၆-၁၇ ဘဏ္ဍာရေးနှစ်တွင် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ သက်ဆိုင်ရာအစိုးရဌာနများသို့ ငွေပေးချေမှု ကျပ်ငွေသန်းပေါင်း ၁၀၀၊ ပြည်တွင်းအခွန်များဦးစီးဌာနသို့ ငွေပေးချေမှု ကျပ်ငွေသန်းပေါင်း ၅၀၀ နှင့် မြန်မာ့အကောက်ခွန်ဦးစီးဌာနသို့ ငွေပေးချေမှု ကျပ်ငွေသန်းပေါင်း ၁၀၀၀ သတ်မှတ်ခဲ့ပြီး ၂၀၁၇-၁၈ ဘဏ္ဍာရေးနှစ်တွင် ကျပ်ငွေသန်းပေါင်း ၅၀၀ သို့လျှော့ချလိုက်သည့်အတွက် ယင်းနှစ်တို့၏ စာရင်းတိုက်ဆိုင်ညှိနှိုင်းမှုနယ်ပယ်တွင် ကုမ္ပဏီများ အမြောက်အမြားပါဝင်လာပါသည်။